Flugliðar


FÍLAR ÞÚ FJÓLUBLÁAN? 

Við leitum nú að jákvæðum og þjónustuliprum einstaklingum sem vilja verða hluti af okkar frábæra hópi flugliða fyrir árið 2018. Áhugasamir þurfa að hafa hreint sakavottorð, bílpróf, vera heilsuhraustir og fæddir eigi síðar en árið 1996. Kröfur eru gerðar um stúdentspróf eða sambærilega iðngráðu og að viðkomandi hafi áhuga á að veita framúrskarandi þjónustu í splunkunýju flugvélunum okkar þar sem öryggi er ávallt í fyrirrúmi. Góð íslensku- og enskukunnáttu er skilyrði. Önnur tungumálakunnátta kemur sér einnig vel. Því fleiri tungumál, því betra!

Vinsamlegast athugið að þeir sem hafa áður sent inn umsókn um starf hjá WOW air eru beðnir um að endurnýja umsóknir sínar.
 

HELSTU VERKEFNI OG ÁBYRGÐARSVIÐ:

  • Öryggismál í farþegarýmum flugvéla WOW air
  • Þjónusta og samskipti við gesti 
  • Önnur tengd störf 
     

HÆFNI, MENNTUN, KUNNÁTTA OG REYNSLA SEM STARFIÐ KREFST:

  • Stúdentspróf eða sambærileg menntun er skilyrði
  • Gott vald á íslensku og ensku er skilyrði
  • Framúrskarandi þjónustulund, jákvætt hugarfar og færni í mannlegum samskiptum
  • Áhugi á fólki af öllum þjóðernum og gerðum
  • Frumkvæði í starfi og geta til að vinna vel í teymi
  • Frábær samskipta- og samstarfshæfni
  • Viðkomandi þarf að vera heilsuhraustur og án langvarandi heilsufarsvandamála
     

Umsækjendur þurfa að standast ítarlega heilsufarsskoðun í samræmi við reglur um áhafnir í almenningsflugi áður en til ráðningar kemur. 

Við förum í vinnuna á öllum tímum sólarhringsins og því er nauðsynlegt hafa bíl til umráða.

Athugið að eingöngu er um 100% starf að ræða.


FYLGISKJÖL MEÐ UMSÓKN

Með öllum umsóknum skal fylgja:

  • Ferilskrá og kynningarbréf þar sem gerð er grein fyrir ástæðu umsóknar
  • Mynd af umsækjanda
  • Afrit af stúdentsprófsskírteini eða skírteini sem sýnir fram á aðra sambærilega menntun
  • Sakavottorð
  • Afrit af vegabréfi
  • Afrit af Attestation of Inital training hafi umsækjandi lokið grunnþjálfun


AÐRAR UPPLÝSINGAR

WOW air er brosmilt lággjaldaflugfélag með það að markmiði að bjóða ávallt upp á lægstu fargjöldin til og frá Íslandi. Flugfélagið hefur vaxið mjög ört á skömmum tíma og við hlökkum til að efla samkeppni í flugi enn frekar á komandi árum með nýjum og spennandi áfangastöðum. Við leggjum mikið upp úr því að hafa gaman af því sem við erum að gera, bæði á skrifstofunni og gagnvart gestum okkar. Hjá okkur starfa nú um 1200 hörkuduglegir starfsmenn.


NÁNARI UPPLÝSINGAR

Frekari fyrirspurnir um störfin má senda á starf@wow.is. 
 

Umsóknarfrestur til og með 30. september 2017